लेखकः- अनन्तः राचूरि आसीत् पुरी सर्वमनोभिरामा रमानिवासातिशयप्रकृष्टा । पाञ्चालनाम्नी दयिता जनानां विचित्रधिष्ण्या प्रसृतप्रथा सा ।।१।। तां काञ्चनोद्दीप्तविशालसौधां प्रतिस्फुरत्कान्तिजितार्कभानुम् । सविस्मयोद्भूतवचःप्रतोष्यां पुरीं मनोज्ञां ददृशुर्नृपेन्द्राः ।। २।। विशत्सु राजानुमतेषु तेषु मीनाक्षिलक्ष्येषु सकत्थनेषु । रेजे सभा बद्धझषानुधावितिमिङ्गिलानां निवहो यथाब्धिः ।।३।। अथोपविष्टे नरदेवलोके पुरस्कृतभ्रातृसखीवृतेयम् । इतःस्ततःसंनतवक्त्रलक्ष्या विवेश रङ्गान्तरमङ्गरङ्गा।।४।। तां सञ्चलन्तीं तपनप्रभूतां स्वस्पर्शसंहर्षितपद्महस्ताम् । सविस्मयाविष्टदृशाsनुसस्रुर्यथा मरीचिं प्रति सूर्यकान्ताः ।।५।। प्रगृह्य…